User:Lilja

With my youngest - Ýmir

My name is Lilja. I´m a teacher and work as a project manager in Fab Lab Austurland.

Here you can find out more about Fab Lab Austurland.

Fab Lab Fjarðabyggð

Verkmenntaskóli Austurlands

File:Mýrargata-10-Fjarðabyggð.jpg

Verkmenntaskóli Austurlands

Smíði rafrásar með smd íhlutum og fræsingu í modela fræsara

Rafrásarbretti með smd íhlutum

Fab Modules

Fab Modules er í raun í tveimur hlutum, vefhlutinn og svo hlutinn sem er uppsettur í tölvunni og talar við fræsarann. Tölvuhlutann getur þurft að setja sérstaklega ,,í gang“. Það er gert svona: Opna terminal á desktop (líka hægt að skrifa terminal í leit og finna það þar). Í terminal gluggann er skrifað það sem sést að bæst hefur við hér. Þetta er gert í nokkrum þrepum (sjá á myndunum) – skrifið inn eftir fyrirmælunum hér að neðan.

• Þegar terminal er opnað stendur í glugganum: fablab@fablab-OptiPlex-9020:~$
• Bætið við (fyrir aftan dollaramerkið): cd mod.cba.mit.edu/mod_server/
• Þá lítur textinn út eins og á myndinni hér að neðan. Smellið svo á enter.

• Þá er komið að næstu línu.
• Þar stendur fablab@fablab-OptiPlex-9020:~/mod.cba.mit.edu/mod_server$
• Bætið við (fyrir aftan dollaramerkið): sudo node mod_server.js
• Þá lítur textinn út eins og á myndinni hér að neðan. Smellið svo á enter.

• Þá er beðið um password fyrir fablab – sláið inn fablab

Þá lítur glugginn út eins og hér að neðan og allt er orðið klárt :) - EKKI loka þessum glugga meðan fræsarinn er í notkun.

Fræsing

1. Sækja mynd af prentplötunni (Traces mynd) á síðu Fab Academy og vista í tölvunni.

2. Veljið í input format flipanum skrá til að sækja – í þessu tilfelli png mynd (image).

3. Þá opnast output format flipi – þar á að velja það tæki sem nota á, í þessu tilfelli Roland MDX-20 (.rml).

]

4. Þá opnast enn einn flipinn – process. Þar er valið hvað á að gera sem er í þessu tilfelli PCB traces (1/64). Það merkir að fræsa á rafrásir í bretti með fræsibita af stærðinni 1/64“.

5. Líma prentplötuna á réttan stað í fæsarann.

• Mikilvægt er að líma plötuna vel niður með límbandi (lím á báðum hliðum). Smá rykagnir og loftbólur geta haft talsverð áhrif á fræsinguna - hún orðið sumsstaðar of djúp og annars staðar of grunn.

6. Setja fræsitönn í fræsarann, 1/64".

7. Hreinsaðu út úr minni Modela fræsarans með því að ýta samtímis á ,,up" og ,,down" hnappana á fræsaranum.

8. Finndu út staðsetningu fyrir xmin og ymin, hún fer eftir því hvar brettið er staðsett á fræsaraborðinu (t.d. gæti staðsetningin verið x.55 og y.3). Þegar þessi staðsetning er fundin og búið að slá hana inn er hægt að færa fræsarann þangað með því að ýta á move to xmin,ymin.

9. Næsta skref er að stilla Z (hæðina á fræsibitanum á yfirborði plötunnar). Fræsibitinn er færður nær plötunni (lækkaður) varlega með því að ýta á down hnappinn á fræsaranum. Ekki fara alla leið niður að yfirborði plötunnar á þennan hátt. Losaðu svo upp á fræsibitanum (með mjóa sexkantinum) en farðu varlega og styddu við bitann á meðan svo hann detti ekki niður í plötuna. Lækkaðu hann með höndunum varlega þar til hann snertir yfirborð plötunnar. Festu svo bitann aftur (með langa endanum á mjóa sexkantinum).

10. Stilla á Conventional í direction en að öðru leyti ættu default stillingarnar að vera í lagi. Í send command þarf að passa að lína byrji á ./mod…. Síðan er fræsarinn keyrður aftur í default stöðu og þegar allt er klárt þá á að smella á calculate og síðan á send.

11. Þegar er búið að smella á „send“ þá þarf að vera vakandi yfir því að geta stoppað fræsarann ef eitthvað fer úrskeiðis. Fræsarinn er stoppaður með því að ýta á view hnappinn.

12. Þegar fræsingin á „Traces“ er búin þarf að skera út rásina. Til þess þarf að velja sækja nýja mynd á síðu Fab Academy - ,,Interior" Vistið myndina í tölvuna.

13. Skipta þarf um fræsitönn (setja 1/32" í) og velja góðan stað á plötunni til að stilla Z aftur. Setja svo fræsarann aftur í upphafsstöðu.

14. Farið nú í input format. Aftur þarf að velja skrá til að sækja –png mynd (image) eins og fyrr.

15. Þá opnast output format gluggi – þar á aftur velja það tæki sem nota á, enn Roland MDX-20 (.rml).

16. Þá opnast enn einn flipinn – process. Þar er valið hvað á að gera sem er í þessu tilfelli PCB outline (1/32). Það merkir að skera eigi út rásina með fræsibita af stærðinni 1/32“.

17. Smella svo á calculate og svo á send ef allar stillingar eru réttar. Default stillingarnar ættu að vera í lagi. 0.6mm cut depth sem er skurðurinn í hverri umferð og svo 1.7 mm í Stock thickness sem þýðir að fræsarinn sker 1.7 mm niður frá Z núll (yfirborðinu). Þegar verkið er búið þá er fræsarinn settur í view stöðu og platan tekin varlega úr.

18. Gott er að hreinsa borðið með „ull“ eða undir rennandi vatni.

Lóðun

13. Næsta skref er að lóða íhlutina á brettið. Taka þarf til það sem á að nota:

Lóðbolti - mikilvægt er að bleyta svampinn til að geta hreinsað oddinn á lóðboltanum

Rafrásarbretti

Töng

Tin (solder)

Stækkunargler með hjálparhöndum

Góð lýsing þarf að vera til staðar

Íhlutir (gott að hafa þá í boxi eða einhverju handhægu):

• J1 - ISP tengi (connector)
• J2 - USB tengi (connector)
• R1 - 1k viðnám (Res)
• R2 - 499 viðnám (Res)
• R3 og R4 - 100 viðnám (Res)
• R5 - 10k viðnám (Res)
• C1 - 1µF þéttir (Cap) (1µF = 1 míkrófarat – geymslurými þétta er mælt í farötum)
• C2 og C3 - 10pF þéttir (Cap) (10pF = 10 picofaröt – geymslurými þétta er mælt í farötum)
• D1 og D2 - 3.3V díóður (Diode)
• IC1 - t44 IC rás (intergrated circuid)
• 20MHz - Tíðnigjafi sem sveiflast á 20 megariðum – í þessu tilviki er kristall tíðnigjafinn
• SJ1 - 0ohm viðnám til að rjúfa rafstraum (mynda brú)

14. Lóða minnstu íhlutina á brettið fyrst og passa að allir íhlutir snúi rétt. Passa að tinið fljóti vel á alla snertifleti en leiði ekki á milli brauta. Þegar smd íhlutur er festur á bretti er ágætt að setja smá tin á aðra snertuna á brettinu og leggja síðan íhlutinn á og halda honum föstum með flísatöng á meðan hann er lóðaður fastur.

Meira um R, C, D, IC, MHz og SJ

15. Frekari upplýsingar um tákn í teikningunni

Skýringarteikning

• R stendur fyrir Resestor (Res) - VIÐNÁM - mælt í ómum (ohm)
• C stendur fyrir Capasitor (Cap) - ÞÉTTIR - geymslurými þétta er mælt í farötum (F), t.d. uF (míkrófarat) og pF (píkófarat)
• D stendur fyrir Diode - DÍÓÐA - Díóða er eins konar einstefnuloki, getur bara virkað í eina átt. Þ.e. hleypir straumi í gegn í aðra áttina en stoppar straum í hina áttina. Því er mikilvægt að hún snúi rétt.
• IC stendur fyrir Intergrated Circuid - IC rás
• MHz stendur fyrir tíðnigjafa - í þessu viðfangsefni hér er notaður tíðnigjafi sem sveiflast á 20 megariðum (20 MHz) - kristall
• SJ stendur fyrir tinklessu (soldering jumper)
• SJ1 stendur fyrir 0ohm viðnám sem ætlað er að mynda brú yfir koparinn