Rök
Rök fyrir opinni nýsköpun eru margvísleg, en fyrst og fremst ganga þau út á að enginn einstaklingur, fyrirtæki eða stofnun getur haft fullkomna yfirsýn yfir allar þær hugmyndir sem eru til, og því er góður leikur fyrir þá að deila og fá deilt einnig ; að samkeppni með samvinnu leiði af sér sterkari markaðsstöðu allra þátttakanda. Þá sé nýsköpunin notuð sem lyftistöng fyrir samfélagið frekar en þrætuepli.
Þessa aðferð má nota á mismunandi skala þ.e. á heimsvísu, á landsvísu, eða í klasasamstarfi og eða innan fyrirtækja.
| Hefðbundin nýsköpun | Opin nýsköpun |
|---|---|
| Snjallasta fólkið vinnur fyrir okkur | Ekki allt snjalla fólkið vinnur hjá okkur. Við þurfum að vinna með snjöllu fólki utan fyrirtækisins. |
| Til að hagnast á rannsóknum og þróun þurfum við að gera uppgötvunina, þróa hana og markaðssetja hana sjálf. | Utanaðkomandi rannsóknir og þróun geta skapað verðmæti. Rannsóknir innanhúss eru nauðsynleg til að auka á þau verðmæti og eiga hlutdeild í þeim verðmætum. |
| Ef við erum fyrri til að gera uppgötvunina getum við markaðssett hana á undan öllum öðrum. | Við þurfum ekki að vera upphafsaðilar að rannsóknunum til að hagnast á þeim. |
| Fyrirtækið sem kemur vörunni á undan á markaðinn sigrar. | Betri viðskiptaáætlun gefur betri niðurstöður en það að vera fyrstur á markaðinn. |
| Ef við búum til flestar og bestar hugmyndir í iðnaðinum þá sigrum við. | Ef við nýtum hugmyndir bæði innanhúss og utanaðkomandi sem best, þá sigrum við. |
| Við ættum að stjórna okkar nýsköpunarferli, svo að keppinautar okkar hagnist ekki á okkar hugmyndum. | Við ættum að græða á því að aðrir nýti sér okkar nýsköpun og við ættum að kaupa aðgang að hugverkum annarra hvenær sem það gagnast okkar viðskiptaáætlun. |
Áhugaverðar bækur
- Democratizing Innovation eftir Eric von Hippel
- The Wealth of Networks eftir Yochai Benkler
- Wikinomics eftir Don Tapscott, Anthony D. Williams