VMM103

Áfangalýsingar

Vefsíðugerð,myndvinnsla og myndbandagerð, VMM103.

Kennd er hönnun vefsíðu í HTML/XHTML. Farið er yfir grunnatriði vefsíðukóða, innsetningu tengla, mynda og notkun taflna. Kennd er notkun ýmissa hjálparforrita við vefsíðugerð. Lögð er áhersla á að vefsíðu megi skoða í öllum vefskoðurum og sé létt í keyrslu. Farið er í mikilvægi góðrar hönnunar og verkskipulags. Kennd er myndvinnsla í tölvum og yfirfærsla myndar frá skanna eða stafrænni myndavél. Lögð er áhersla á að nemendur geti unnið myndir á viðeigandi gagnasnið miðað við notkun, kunni að meðhöndla myndir, breyta þeim og setja saman. Fjallað er um punkta- og rastafræði og um punktinn sem grunneiningu í texta á myndum og á skjá. Kynnt röstun, rastatíðni, upplausn á skjá og staðlar um fjölda punkta á flatareiningu. Punkti er fylgt eftir frá inntaki til útgáfu t.d. frá skanna í gegnum tölvu í útprentun eða á geisladisk. Kennd eru helstu atriði við gerð myndbands. Lögð er áhersla á handritavinnu og áætlunargerð. Nemendur kynnist stafrænum myndbandsvélum tæknilegum eiginleikum þeirra kostum og göllum. Rætt um notkun og meðhöndlun mynda, m.a. með hliðsjón af almennum siðareglum og ákvæðum höfundaréttarlaga.

Áfangamarkmið

• geti smíðað og gefið út einfaldar vefsíður sem líta vel út í öllum vefskoðurum
• þekki HTML/XHTML kóðann
• geti nýtt sér ýmis hjálpartæki við vefsíðugerð
• geti uppfært vefsíður á neti
• geti tekið inn mynd frá skanna eða stafrænni myndavél
• geti undirbúið og sett mynd inn á vefsíðu
• þekki staðla fyrir punkta og rasta
• þekki mikilvægi punktsins í framsetningu efnis sem texta, mynda eða skjá
• þekki staðla og stærðareiningar í röstun
• geti sett upp verkefnaáætlun fyrir vefsíðu og myndbandagerð
• kunni skil á stafrænni myndbandstækni
• geti gert stutt myndband eftir handriti
• þekki helstu atriði varðandi siðfræði og höfundarrétt

Upphafleg grein frá Framhaldsskólanum á Húsavík